Dette belgisk-inspirerte gardsølet kjem frå eit samarbeid mellom Ægir Bryggeri og Boulevard Brewing Company, eit av dei fremste handverksbryggeria i USA. Boulevard sende bryggerimeisteren Steven Pauwels til Flåm der me hadde ein lærerik og morosam bryggedag ilag. Ølet er ganske tørt med eit lett syrleg preg. Det er krydra med sitrongras som gjer at det passar perfekt til skalldyr eller som ein fruktig og smaksrik tørsteslukkar åleine. Skål for godt samarbeid!