Borg fer ekki troðnar slóðir frekar en fyrri daginn. Undirgerjað ger er notað en þó er gerjunarhitinn hærri en gengur og gerist. Það skilar sér í skemmtilegu ávaxtaríku bragði og lykt sem humlar frá Styriu í Norðaustur-Slóveníu bæta enn frekar. Bjartur kemur svo sannarlega á óvart. Hann er auðdrekkanlegur en um leið áhugaverður án þess að vera yfirþyrmandi eða ágengur.